Gmail တွင် ဖိတ်စာများ အကြောင်းပြန်ခြင်းနှင့် အခြားအချက်အလက်များ ဖော်ပြပေးမည့် Quick Action ခလုတ်များ ထပ်မံထည့်သွင်းမည်

မေလ (၁၅) ရက်နေ့က Gmail အသုံးပြု ငွေလွှဲ ပို့ပေးနိုင်သည့် စနစ်ကို ထုတ်ဖေါ် ကြေညာခဲ့ပြီးနောက် ၊ ဆက်လက်ပြီး ပွဲလမ်းသဘင် ဖိတ်ကြားစာများအား
RSVP (အကြောင်းပြန်ကြားခြင်း)၊ လေယာဉ်ချိန် ကြည့်ရှုခြင်းနှင့် အခြားသတင်း အချက်အလက် ဖော်ပြမှုများကို မိမိ၏ Gmail inbox ကို စစ်ဆေး ကြည့်ရှုခြင်းနှင့် တပြိုင်နက် ပြုလုပ်နိုင်မည့် ‘quick action’ ခလုတ်များ ထပ်မံ ထည့်သွင်းပေးဦးမည် ဖြစ်သည်။ ‘quick action’ ခလုတ်များသည် သင်၏ Gmail inbox တွင် ရောက်ရှိနေမည့် သတ်မှတ်ထားသော သတင်း အချက်အလက်နှင့် အတူတကွ ယှဉ်တွဲ ပါလာမည် ဖြစ်သည်။

ဥပမာ သင့်ထံ ဖိတ်ကြားစာ တစ်စောင် ရောက်ရှိနေသည် ဆိုပါစို့။ သင်အနေဖြင့် ဖိတ်ကြားမှုအား လက်ခံမည် ၊ သို့မဟုတ် ငြင်းဆန်မည် စသည့်တို့ အကြောင်းပြန်နိုင်ရန် ‘quick action’ ခလုတ်နှိပ်ပြီး လုပ်ဆောင်နိုင်သည်။ ဖြစ်လာနိုင်စရာ ရှိသည့် အခြား စိတ်လှုပ်ရှားဖွယ်ကောင်းသည့် အချက်မှာ Gmail inbox မှတဆင့် လေယာဉ်ချိန်များ ကြည့်ရှုကာ check-in ပြုနိုင်မည် ဆိုသည့် အချက်ပင် ဖြစ်သည်။ အမှန်တကယ် check-in ပြုနိုင်မည်/မပြုနိုင်မည် ဆိုသည်မှာ မသေချာသေးသော်လည်း သင့်အနေဖြင့် Gmail မှတဆင့် လေယဉ်ချိန်များကို ကြည့်ရှု စစ်ဆေးနိုင်မည်ဟု ဆိုသည်။ အဆိုပါ လုပ်ဆောင်ချက်သစ်ကို Gmail အသုံးပြုသူ အားလုံးထံ လာမည့် သီတင်းပတ် အနည်းငယ် အတွင်း အရောက်ပေးပို့ အသုံးပြုနိုင်မည် ဖြစ်ကြောင်း သိရသည်။

http://venturebeat.com/2013/05/16/gmail-gets-quick-action-buttons-that-l...